رواية بعد النهاية الفصل السادس عشر إلى الثالث والعشرون بقلم يسرا جمال
في الموضوع
تامر طيب يا دارين انا مشترك هتعملي ايه يعني
دارين هتشوف يا تامر انا هعمل ايه
تامر اتكلمي على قدك يا دارين تمام
دارين هعرف كويس اوي ادفعك التمن غالي على كل حاجة
تامر بسخرية طب استني بقى اما فؤاد بيه وأشرف بيه وشريف يرجعوا واهو تحاكمينا كلنا سوا
نظرت اليه في غضب وغادرت المكتب
____________________________________
في فيلا كمال كانت جالسة شاردة
كمال انت هتفضلي سرحانة كده كتير
صفاء عاوزني اعمل ايه
كمال افطري يا صفاء افطري
صفاء مليش مزاج افطر انت
هم أن يأكل ولكنه لم يستطع
كمال ولا انا ليا نفس
شعرت بالاشفاق عليه
صفاء انا هحاول اكل معاك أي حاجة
وبدأ الاثنان يحاولان أن يأكلا
صفاء انت هتعمل ايه النهاردة
كمال هروح الشغل وهحاول ادور على دكاترة كويسين برا مصر واتواصل معاهم
صفاء ما دكتور حاتم قالك مش هتفرق وهتلاقي نفس النتيجة
كمال خلاص يا صفاء سبيني اعمل اللي يريحني
صفاء طيب
كمال على كل حال انا هكلمه النهاردة لما افضى وابلغه بأخر الاخبار ونشوف مع بعض حل نقنع بيه مازن
صفاء طيب
كمال انتي هتعملي ايه
صفاء مش عارفة حاسة اني متكتفة ومش قادرة اعمل أي حاجة علشان انقذ ابني
كمال شيلي ايدك من الموضوع انا هتصرف
صفاء ده مش ابنك لوحدك علشان تقولي انك هتتصرف
كمال انا مقولتش كده انا بحاول اريحك
صفاء انت فاكر ان أنا كده هرتاح مثلا وانا ابني بيموت قدامي
كمال بلاش سيرة الموت بقى
صفاء يارتني ما عرفت
كمال ده بدل ما تقولي الحمد لله اننا عرفنا علشان نلحقه
صفاء هتقدر تقنعه يا كمال
كمال هتصرف
صفاء طيب تمام ابقى بلغني بكل حاجة تحصل في الموضوع ده اي حاجة توصلها انا عاوزة اعرفها
كمال حاضر يا صفاء بس على فكرة مش هينفع كده
صفاء هو ايه اللي مش هينفع
كمال الضعف اللي احنا فيه احنا لازم نكون أقوياء على الأقل علشان مازن
صفاء وهجيب منين القوة دي
كمال صفاء لازم نحاول لازم نقوي بعض علشان مازن وعلشان نقدر نساعده كمان ونقف جنبه
صفاء هحاول يا كمال بس ما اوعدكش
كمال خلي عندك ثقة في الله
صفاء ونعم بالله
كمال انا هقوم دلوقتي اروح شغلي وعاوزك قوية يا صفاء فهماني
صفاء تبتسم بحب فاهمة
__________________________________
في منزل باسم في غرفة نسمة
بدأت تعد حقيبتها
نسمة يا ماما ارجوكي بطلي عياط بقى
سامية بدموع انتي مكملتيش أسبوع ذي ما قولتي
نسمة اعمل ايه غصب عني
سامية طب ما تستني اجي معاكي
باسم ايه يا ماما انتي هتبعيني ولا ايه
نسمة ههههههههه طب والله فكرة تعالي اقعدي معايا
باسم طب شوفي مين هيوصلك المطار
نسمة ههههههههه طب خلاص يا عم انت بس شوف بقى هتتصرف معاها ازاي
باسم ملكيش دعوة انتي خليكي في حالك
استمرت سامية في البكاء
نسمة لاء كده مش هلحق الطيارة
سامية تمسح دموعها خلاص خلاص يلا شوفي مصلحتك
نسمة طب انا هسافر ازاي وانتي في الحالة دي
سامية خلاص يا نسمة انا كويسة سافري بس ابقي كلميني كل يوم
نسمة بحب قصرت معاكي لما سافرت اول مرة
سامية تهز رأسها نافيا
فتعانقها نسمة
باسم انا كده هعيط على فكرة
سامية خلاص بقى مش علشان دمعتين تعيطوا معايا
باسم الحقي بتقولك دمعتين
نسمة تقريبا كان في شلال هنا
باسم شلال بس ده محيط
نسمة انت كمان خدت بالك
سامية ما شاء الله هتتريقوا عليا كمان
باسم هههه خلاص يا ماما بنهزر معاكي
نسمة ملناش غيرك يا ست الكل
سامية ايوه كده اتعدلوا
باسم طب يلا يا نسمة علشان اوصلك المطار
نسمة يلا
عانقتها سامية استودعتك الله الذي لا تضيع ودائعه فالله خير حافظا وهو ارحم الراحمين ...خودي بالك من نفسك وكلي كويس وكلميني دايما وركزي في شغلك وخودي إجازة قريب و....
قاطعها باسم والطيارة هتضيع كده
سامية يلا بالسلامة
نسمة مع السلامة
غادرا المنزل
نسمة باسم انا عاوزة اشوف مصطفى
باسم ليه
نسمة عاوزة اعتذرله
باسم ايوه بس حسب علمي مصطفى مسافر
نسمة يمكن يكون رجع
باسم شوية بس
نسمة انا مكنتش عاوزة افتح الموضوع قدام ماما علشان متضايقش
باسم والطيارة يا نسمة
نسمة لا ما هو انا كدبت في معاد السفر علشان اعرف اروح
باسم ده انتي مخططة بقى للموضوع
نسمة بصراحة اه انا مش عارفة انام من تأنيب الضمير
باسم طيب
___________________________________
في شركة عماد
فارس هو حضرتك متضايق مني
عماد انت عملت حاجة تضايق
فارس لاء
عماد يبقى انا مش متضايق
فارس بس انا حاسك متغير
عماد معلش مخنوق حبتين
فارس ايه السبب
عماد مشاكل شخصية ايه تحب تعرفها
فارس انا متأكد ان في حاجة في قلبك من ناحيتي دلوقتي
عماد طبعا انا بقدرك وبحترمك وبحبك كمان ذي وليد ابني بالظبط
فارس بس فيك حاجة متغيرة
عماد الموضوع ملوش علاقة بيك
فارس اكيد
عماد مؤكد
فارس طيب عن اذنك
ونهض فارس مغادرا الغرفة وهو في قمة القلق
رن هاتفه فأجاب الو
وليد هشوفك النهاردة
فارس لاء
وليد ليه
فارس عاوز تشوفني ليه
وليد عادي يعني نتكلم شوية في الشغل او في الدراسة أي حاجة يعني
فارس لاء بلاش
وليد بأسى طيب سلام
اغلق فارس الخط وذهب الى مكتبه متجاهلا كل ما يدور بداخله من شكوك
____________________________________
في منزل مصطفى كانت نور تتناول غدائها وحيدة فانتبهت لقرع الجرس فذهبت وفتحت وتفاجاءت بنسمة وباسم
نور نسمة!
عانقتها نسمة مبروك واسفة لو متأخرة
نور لا ولا يهمك ما انا عارفة انك مسافرة
وابتعدت نور مفسحة الطريق اتفضلوا
دخلوا فأغلقت نور الباب وجلسوا معا
باسم انتي كنتي بتتغدي
نور اه انتو اتغديتوا
باسم اه اتغدينا اسفين لو قطعنا عليكي الغدا
نور لا ابدا
باسم مصطفى موجود
نور لا لسه مرجعش من السفر
نسمة ايه ده بجد
نور بشك وانتي عاوزاه ليه
نسمة عاوزة اعتذرله ظلمته معايا
نور هو مسافر لما يرجع هبقى اقولك
نسمة انا مسافرة النهاردة ومش عارفة هرجع امتى تاني
نور اه طيب وبعدين
نسمة خلاص ابقى اشوف لما ارجع تاني
نور طيب
نسمة هستأذن علشان معاد الطيارة
نور طيب تسافري بالسلامة
نسمة الله يسلمك يا حبي
نور سلام
نسمة سلام
وذهبت نسمة وباسم
وفي السيارة
نسمة هي بجد هتغير على مصطفى مني
باسم ليه بتقولي كده
نسمة مشوفتش نظرة الشك في عينيها
باسم ده جوزها يا نسمة
نسمة مش للدرجة يعني انها تشك فيا
باسم بقولك جوزها واكيد بتحبه وبتغير عليه
نسمة لاء ده مرض بجد وانا اللي كنت بقول على نور عاقلة
باسم سيبك من نور بقى والكلام ده كله
نسمة على رأيك وديني المطار
باسم حاضر
جلست نور تشعر بملل رهيب في حياتها الروتينية تلك رن هاتفها الخليوي
نور الو
شادي بخنقة نور !
نور مالك يا شادي في ايه
شادي ليلى يا نور
نور بخوف مالها
شادي مش عارف شكلها بتولد
نور بتولد ازاي ده لسه بدري اوي
شادي معرفش انا مش عارف اعمل ايه
نور طب اهدا بس خودها على المركز بتاع بابا وانا هكلم حد هناك يستقبلكم
شادي طيب تمام
نور انا جيالك دلوقتي وهكلم حد في الطريق امسك اعصابك شوية ان شاء الله هتبقى كويسة ماشي
شادي حاضر
____________________________________
في شركة فؤاد الحكيم
طرق باب مكتبها ودخل في هدوء فلم تنتبه له الا عندما وقف الى جانبها فأغلقت اللاب توب الخاص بها في ارتباك
دارين انت بتعمل ايه هنا وازاي تخوش من غير ما تخبط
تامر انا خبطت بس انتي عقلك مش فيكي
دارين لا الحمد لله لسه متجننتش
تامر انتي كنتي بتلعبي
دارين لاء طبعا بشتغل
تامر وقفلتي اللاب توب ليه بقى اول ما دخلت
دارين وانت مالك ومال شغلي
تامر على أساس مين مديرك
دارين بثقة أنا مديرة نفسي
تامر بلاش استفزاز
دارين انت عاوز ايه
تامر بالتفاهم كده تأخدي كام وتمشي من الشركة
دارين ولا مليم ...وبعدين انا مضيقاك في ايه ما انا في حالي وانت في حالك
تامر وجودك مضايقني مش قادر أتأقلم معاه ارحميني وامشي
دارين
تامر يعني مفيش فايدة
دارين لاء وهفضل هنا في الشركة وعاوزة امسك نصيبي في الشركة ومش عاوزة منك حاجة تاني فاهم
تامر انا مش هضيع شقا وتعب السنين علشان لحظة حماس منك
دارين دي مش لحظة حماس انا قررت امسك الشغل وانتهى الموضوع
تامر ماشي يا دارين انا هعرف ازاي امشيكي
وتركها وغادر
دارين هنشوف يا تامر
___________________________________
امام مركز طبي
أوقفت نور سيارتها ونزلت ودخلت الى المركز الطبي
وذهبت نور لشادي
نور ايه الاخبار
شادي بقلق معرفش لسه محدش قالي حاجة
نور خير ان شاء الله
شادي ليلى في الخامس وانا خايف اوي
جاءت سناء
سناء بلهفة خير يا شادي
شادي متقلقيش خير ان شاء الله
خرجت الطبيبة
شادي بلهفة خير يا دكتورة
الطبيبة ربنا رزقك ببنت و...
وصمتت
شادي وليلى
الطبيبة البقاء لله
وذهبت الطبيبة
شادي مصدوم
وسالت الدموع من عيون سناء
نور بدموع لاء مستحيل ليلى ماتت
مازال شادي واقفا في صدمة فإقتربت منه نور في دموع
نور البقاء لله شد حيلك
هز رأسه إيجابا في صدمة ولم يتحرك بدا في عالم آخر هل مات حبه الأول هل رحلت تاركة اياه وحيدا في تلك الحياة
___________________________________
عادت دارين الى الفيلا منزعجة وساخطة على الكل جلست على الأريكة
وفي نفسهايعني انا وشريف كنا لعبة في إيديهم علشان مصالحهم الشخصية يجوزونا علشان يضموا الشركتين ...ياااه هو عالم الشغل بيعلم انعدام المشاعر للدرجة دي
انتبهت لرنين هاتفها الخليوي اخرجته من الحقيبة ووجدت رقم والدها فلم تجب واتصل بها مرة أخرى وأيضا لم تجب
وأغلقت الهاتف الخليوي تماما
وصعدت الى غرفتها اصابتها حالة من الانهيار حطمت كل ما طالته يدها
دارين بدموع بكرهكوا كلكم بكرهكوا انتوا السبب في اللي انا فيه ده بكرهكوااااااااااا
وبدأت بالبكاء
___________________________________
في احدى الشقق بألمانيا
دخل شريف الغرفة فوجد صغيره قد عبث ببعض محتوياتها
شريف كده يا رائد اسيبك دقايق في الاوضة تعمل كده
واقترب من صغيره ليجمع الأغراض المبعثرة ارضا فلفت انتباهه البوم في يد صغيره
امسك شريف الالبوم فأوشك رائد على البكاء فأعاده وحمله على الفراش وجلس بجواره
فتح رائد الألبوم فكانت أولى الصور لطفولته مع تامر
ابتسم شريف بتلقائية يااااه كانت أيامنا لما كان هو في الكلية وانا كنت في ثانوي
ونظر الى الصورة التي تليها وكانت في فرح تامر
ابتسم شريف ونظر الى الذي تليها فكانت صورة لدارين في حفل تخرجها من الجامعة
لمس رائد بكفه الصغير على الصورة
شريف بإبتسامة حزينة وكأنك عارف انها مامتك
شريف في نفسهحبيتك اوي بس يا خسارة متستاهليش الحب ده
جاء هشام
هشام ايه يا شريف بنده عليك مبتردش ليه
امسك الالبوم وأشار به هو الالبوم ده جه ازاي هنا
هشام ياااه ده قديم اوي ...وبعدين انت مبهدل الاوضة كده ليه
شريف ههههههههههه والله ما انا ده رائد
يجلس هشام بجواره الألبوم ده كان بتاعك ونسيته معايا
شريف ذكريات قديمة اوي
هشام طب انت بقى ذي الشاطر كده هتروقلي الأوضة ذي ما ابنك بهدلها
شريف عيل وغلط متمرمطناش بقى
هشام مش ابنك اتحمل
شريف طيب يا سيدي
هشام طب بقولك ايه..باباك كلمني
شريف اوعى تكون قولتله ان انا عندك
هشام لا مقولتلوش
شريف تمام
هشام مش هتقولي بقى ايه الحكاية وايه المشكلة اللي بينك وبين والدك هناك في القاهرة
شريف مفيش مشكلة بيني وبين والدي
هشام امال ليه مش عاوزه يعرف مكانك
شريف علشان انا مش عاوز حد يعرف مكاني من عائلتي وده اللي مخليني حاليا بعيد عن شغلي
هشام ايه حكايتك يا ابني وطلقت دارين ليه صحيح مش كنت بتحبها
شريف القلب بيجيله يوم ويقسا على اللي حبه في يوم من الأيام
هشام هي للدرجة دي المشكلة كبيرة
شريف لا يا هشام الوجع هو اللي كبير اوي
هشام طب وبعدين انت هتفضل كده كتير مسافر هربان من الوجع
شريف هرجع يا هشام لما أكون جاهز
هشام طيب انا هقوم اكل انا ورائد وانت هتروق الاوضة
شريف دلوقتي رائد بقى حبيبك
هشام
شريف ماشي يا عم
حمل رائد وغادر
رن هاتف شريف
شريف الو
أكرم ايه يا شيكو بقى انا اتخنقت وانا لوحدي
شريف انا عارف اني محملك الشغل كله فوق طاقتك بس هي بجد ظروف واتحطيت فيها
أكرم انا محتاج حد معايا انت او هشام
شريف اكيد هشام هيرجعلك قريب هو خلص اللي وراه هنا خلاص
أكرم تمام يا شريف انت بقى ناوي ترجع امتى
شريف بالله ما تضغط عليا يا أكرم
أكرم مش قصدي يا شريف بس والله حرام تعبنا احنا التلاتة كل السنين دي بعد التخرج فجأة تيجي تدوس عليه وتمشي ومش من دلوقتي انت دايس من زمان واكيد مش عاوزني افكرك
شريف انا اسف يا أكرم
أكرم عمرها ما تتحل بالأسف فوق من اللي انت فيه ده ايه يعني جوازة فشلت الدنيا موقفتش فوق بقى
شريف انت مش فاهم حاجة
أكرم لا انت اللي مش فاهم انك بتضيع عمرك ومستقبلك وانت قاعد بتعيط جنب حكاية قديمة
شريف أكرم أنا...
يقاطعه مش عاوز اسمع حاجة يا شريف ولا عاوز اكلمك تاني كلمني لما ترجع شريف اللي انا اعرفه
واغلق أكرم الخط
لا يستطيع شريف لومه لقد بنى شركة هائلة مع صديقيه هشام وأكرم وقد نجحوا بجدارة وها هو الان يتخلى عن نجاحه ببساطة
____________________________________
في المشفى بالقاهرة في المساء
سمع مازن طرقات على باب غرفته
مازن ادخل
دخل فارس يحمل باقة زهور
مازن فارس
فارس ايوه انا
مازن اهلا اتفضل
دخل فارس وسحب كرسيا وجلس واعطاه باقة الزهور
مازن يأخذها بإبتسامة شكرا رغم اني حاسس اني كده بقيت حبيبتك مش شخص اتعرفت عليه من فترة بسيطة
فارس ههههههههههه انا اتأخرت في الزيارة دي انا عارف
مازن انت مش مجبور تيجي تزورني على فكرة فمتقولش انك اتأخرت
فارس زيارة المريض واجب...قولي انت أحسن
مازن لا يا فارس انا حالتي مبيحصلش فيها تحسن لان ملهاش غير علاج وحيد وانا مش عاوزه
فارس مش فاهم
مازن مش مهم المهم انت فاضي
فارس اه فاضي ليه
مازن انا مخنوق وعاوز اخرج
فارس تخرج ازاي وانت تعبان
مازن تعبان....طب بالذمة باين عليا
فارس الصراحة لاء
مازن طب تمام يلا بينا
ونهض واخرج جاكيتا وارتدى حذائه
مازن يلا انا جاهز
فارس هو انت مجنون ولا طبيعي
مازن طبيعي متخافش يلا بينا
فارس مازن شوف انا مبحبش الجنان فأحسن حاجة انا وانت نعملها دلوقتي ان انا امشي وانت تنام
مازن لا ما هو انا لو مخرجتش دلوقتي هتجنن بجد فيا تخرجني يا هتجنن ويبقى ذنبي في رقبتك
فارس نعم!
مازن انعم الله عليك يلا بينا بس قبل ما حد ييجي يلا
وغادر مازن الغرفة
فارس انت يا بشمهندس
وضرب كفا بكف ايه الجنان ده بس يا ربي هو انا ناقص
وامام سيارته
فارس بص انا مش مسؤول عن أي حاجة تحصلك
مازن هههههههه حاضر وامضيلك تعهد بده كمان لو تحب
فارس بحيرة انا يومي باين من اوله أصلا اركب
وركبا السيارة سويا وانطلقا
___________________________________
في منزل شادي
سناء انت هتفضل قاعد كتير كده
شادي عوزاني اروح فين
سناء تيجي البيت عندي ومتقعدش لوحدك
شادي لا انا محتاج كام يوم لوحدي يا ماما وبعدها هاجي متقلقيش عليا
سناء وانا مش هقدر اسيبك كده
شادي معلش يا ماما سبيني
سناء
خلاص هقعد معاك
شادي لا يا ماما مش هينفع انا عاوز أكون لوحدي تماما علشان اعرف افوق من اللي انا فيه
سناء بس انا خايفة اسيبك لوحدك
شادي لا متخافيش انا هبقى كويس اوي لو فضلت لوحدي
سناء مفيش الكلام ده مش هتقعد لوحدك يعني مش هتقعد لوحدك ويا هتيجي معايا يا أنا هقعد هنا معاك
شادي يا ماما من فضلك
سناء مفيش كلام في الموضوع ده انت فاهم ولا لاء
شادي انا هقوم ادخل اوضتي
دخل شادي الى غرفته وحاصرته الذكريات ونزلت الدموع من عينيه وشريط ذكرياته مع ليلى يعرض امام عينيه لقد تركته وتركت طفلة ضعيفة ما بين الحياة والموت حتى تلك الطفلة من المحتمل ان تتركه ولن تتبقى له اي ذكرى منها
_____________________________________
في مركب في النيل
مازن بقولك انا لما بخرج ببقى احسن واخد بالك بقيت احسن ازاي
ابتسم فارس تلقائيا انت مجنون بجد انت خارج مع واحد متعرفهوش وانت
مازن هههههههههههههههههه واخاف منك ليه
فارس بمرح مش خايف اخطفك
مازن ههههههههه لا بالعكس ياريت تخطفني وتطلب فدية كمان
فارس والله انت مجنون
مازن لسه الجنان هيبتدي
ووقف على حافة المركب وبدأ يغني
وفارس يضحك بشدة
وفجاءة اختل توازن مازن و سقط في الماء
فارس بصدمة ماااازن
يتبع
